ها هي شعلات عاود وباين ها الحكومة غادي تفركع: ناضت بين الحلفا: البي جي دي وبين الاحرار فاللجنة المحروقات

البارح الإثنين (27 فبراير 2018) شعلات فاللجنة الاستطلاعية البرلمانية لأسعار المحروقات، التي يرأسها عبد الله بووانو القيادي البارز في صفوف حزب العدالة والتنمية مع التجمع الوطني للأحرار وكان نقاش حاد بزاف بزاف.
هاد اللجنة، حسب مصادر “كود”، اللّي كانت غادي تناقش خلاصات تقريرها الذي أنجزته حول أسعار المحروقات، رفعات اللجنة ديالها فوقت متأخر من الليل حيتاش شعلات بين “البي جي دي” و”الحمامة” ودبا تأجلات الجلسة ليوم غد باش يوجدو التقرير من جديد ليتم إحالته في الأفق على لجنة المالية.
هاد الحكومة باين غادي تفركع وموحال تكمل.. الأغلبية هادي أيام قليلة بزّاف صادقات على الميثاق ديالها وباين مكاين لا ميثاق ولا والو.. الأمور مزال فيها صدااع وكيدرو علينا المسرحية وصافي.