مغربي كينافس 50 واحد من 39 بلاد باش يربح جائزة نوبل ديال التعليم

المغربي شريف حميدي كينافس 50 واحد 39 بلاد باش يربح جائزة نوبل ديال التعليم الي مسمية “جائزة أفضل معلم في العالم 2019” ، ولي غادي يشد فيها مليون دولار أمريكي.
شريف لي ساكن في دبي بقا بين 50 واحد من أصل 10 آلاف لي شاركو في المسابقة العالمية في دورتها الخامسة.
الشاب المغربي عندو مؤسسة “التعليم 4.0″، المقر ديالها في المغرب، وعندو مكتب في دبي، وهي مؤسسة خدامين فيها بزاف ديال الاساتذة، لي كيساعدو الوليدات في المجال القروي باش يقراو ويكونو راسهم.
وأسس حميدي مشروع المكتبة المغربية لتشجيع الشباب على توزيع الكتب فمختلف أنحاء المملكة والانخراط فشراكات مع المدارس والجماعات الترابية فالمناطق القروية الأكثر عزلة، وهادشي بهدف تشجيع خلق مكتبات صغرى.
وكيخدم فريق شريف حاليا على تطوير أرضية تكنولوجية للذكاء الاصطناعي، وغادي يثم تزويد كل مدرسة خدم معها ببرنامج خاص يستجيب لحاجياتها.
حميدي شكر فالتدوينة الي دار الناس لي شجعوه، وقال انه فخور بزاف باش يمثل بلادو المغرب في حدث دولي بحال هذا.