طاليس طلع متخصص في سب الأمهات ديال مجموعة “إيموراجي”.. من بعد بلعياشي باسو رجع حاقد من ميريكان!

من بعد ما خرج مهدي بلعياشي رمضان لي فات بفيديو بالصوت فيه طاليس كيسب فيه من الحزام التحت على قبل الخدمة، خرج ليه دابة محمد باسو خريج كوميديا، وزاد أكد أن داكشي لي كيتسمع على طاليس صحيح.
باسو لي رجع سخون من ميريكان لي مشا كيقرا فيها، غادي يدوز اليوم الجمعة مع رضوان رالمضاني في “قفص الاتهام”، ومن خلال تيزر، باسو قال أن طاليس كيسب ليه مو لي في زاكورة بدون أي سبب.
هادشي حسب مصدر “كود” معجبش طاليس، لي قالك بنادم كينكر الخير وباغي يدير البوز. أحبيبي، البوز مكيدارش بسبان الوالدين، ويمكن نت أكثر شخص كتعرف باسو. سيد خدام على راسو، وقاري، وطار الميريكان ومخلي مراتو وولدو باش يزيد يكبر الوعي ديالو..
معلينا، حساباتكم فضيوها بيناتكم، غير هو نت را ريحتك بدات كتعطي أ صديقي.