شمتة. امانة البيجيدي يالله عاقت بسيطرة البام والاتحاد على مؤسسات دستورية

“البيجيدي” تقوالب تقوليبة معمرو ينساها فالعتيينات الأخيرة، حيث رئيس الحكومة سعد الدين العثماني لي هو الأمين العام الحالي لحزب “العدالة والتنمية”، لقا راسو مقدرش يدبر معركة المناصب العليا خصوصا التعيينات الأخيرة فمجلس المنافسة والهاكا والمجلس الاقتصادي والاجتماعي والبيئي، وهادشي لي خلا عدد من قيادات هذا الحزب يعبرو على غضبهم للعثماني، لي ملقاش كيفاش يبرر ليهم هادشي.
مصادر مطلعة في أمانة “البيجيدي” قالت بأن كولشي لاحظ الحضور القوي لقيادات منحدرة من الاتحاد الاشتراكي في التعيينات الأخيرة، باين سواء فالمحكمة الدستورية ثم مجبس المنافسة والهاكا والمجلس الاقتصادي والاجتماعي والبيئي.
اللقاء المقبل ديال الأمانة للبيجيدي (غالبا غايكون السبت المقبل ) ىغادي تشعل فيه، خصوصا قيادات بارزة غادي طرح هاد النقطة ديال التعيينات وتدبيرها إضافة للضغوط لي كيتعرض ليها الحزب فالحكومة والجهات والجماعات، حيث كاين لي كيقول بلي “الدولة رجعات ثاني فمحاصرة البيجيدي فالتسيير”.