“الفيزا شنغن” خرجات على خمسة د البوليس وها التهم الثقيلة باش تابعوهم قاضي التحقيق

في تطور جديد للقضية ديال تفكيك شبكة إجرامية اللّي عندها امتدادات فعدد من المدن وكتنشط فالمجال ديال التزوير واستعماله وتنظيم الهجرة غير المشروعة، يستمع منذ صباح اليوم الثلاثاء، قاضي التحقيق المكلف بجرائم المالية بمحكمة الاسئتناف بمدينة فاس إلى 5 ديال البوليس عندهوم علاقة بهاد الملف الثقيل.
هاد البوليس اللي عندهوم كرادات ديال ضابطي ومقدمي شرطة كان قاضي التحقيق قرر باش يسحب ليهوم الباسبورات ديالهوم مع منعهم من مغادرة الترابي الوطني، بعدما توبعوا بمطالب من النيابة العامة من أجل “الارتشاء وإفشاء السر المهني والمشاركة في تنظيم وتسهيل خروج مغاربة خارج التراب الوطني بصفة سرية واعتيادية وبمقابل في إطار عصابة واتفاق”.
يشار إلى أن هاد البوليس كانو طاحو فيد الفرقة الوطنية للشرطة القضائية مع واحد الشبكة الإجرامية اللي فيها عشرة ديال الناس كانو كينشدو بكل من فاس ومكناس وبوفركان، ومن بينهم مستخدم في قنصلية أوروبية معتمدة بالرباط. هاد الشبكة كانت كتزور الفيزا شنغن مقابل مبالغ مالية مهمة.