المجلس الأعلى عاقب هاد القضاة

كشف المجلس الأعلى للسلطة القضاية فتقريرو السنوي أنه قرر يعزل واحد القاضي من القضاء الجالس. هاد الإجراء حسب المجلس بسباب “إخلالات مهنية وسلوكية” معندها علاقة بالقانون المنظم لمهنة ديال القضاة.
ماشي غير هاد القاضي. فحسب المجلس الأعلى للسلطة القضائية فقد تقرر أيضا توقيف جوج قضاة بشكل مؤقت عن العمل ديالهوم ولمدة ستة أشهر، مع الحرمان ديالهوم من أي أجر أو تعويضات أو امتيازات، باستثناء التعويضات ديال العائلة وصافي. هاد جوج قضاة حتى هوما عندهوم شي اخلالات مهنية.
وعاقب أيضا المجلس قاضٍ بعقوبة ديال الإقصاء المؤقت عن العمل لمدة ديال أربعة أشهر، مع حرمانه من أي أجر باستثناء التعويضات العائلية مع النقل، مقابل توبيخ واحد جوج قضاة آخرين بسبب المخالفة ديال القانون، فضلا عن توجيه إنذار لجوج قضاة آخرين.
وكاين قضاة اللي مشاو غير ضحايا وصافي. فقد قرر المجلس الأعلى ديال السلطة القضائية تبرئة ثلاثة منهم من جميع داك التهم اللي كانت عليهوم وكتعلق كولها بإخلالات سلوكية أو مهنية.