رضيع متخلى عنه لقاوه ف طنجة

علمت “كود” أن البوليس ديال طنجة فتحو تحقيق لتحديد ظروف وملابسات العثور على واحد الرضيع حديث الولادة فالمنطقة ديال بوخالف. وحسب مصادر محلية، ل”كود”، فإن هاد الرضيع لقاه البارح الثلاثاء واحد لمقدم.
ووفق ما كشفت عنه مصادر “كود”، فإن مصالح الشرطة بعاصمة البوغاز عملت على نقل هاد الرضيع اللي عثر عليه داك لمقدم فصحة جيدة إلى المستشفى الجهوي محمد الخامس، في الوقت اللي مزال مامعروف شكون الأم ديالو وكيفاش تحط فالشارع.