الفيضان اللّي ضرب فاس كان غادي يقتل رجل أعمال معروف وصيفطو للإنعاش ودبا مزال فغيبوبة

الفيضان اللّي ضرب البارح فاس والمناطق المجاورة ليه كان غادي يقتل رجل أعمال معروف بالعاصمة العلمية. فحسب مصادر “كود”، فإن هاد رجل الأعمال وهو منعش سياحي وعندو وحدة فندقية فوسط المدينة دار واحد لكسيدة خايبة بزاف.
وأفادت المصادر نفسها، ل”كود”، أن هاد رجل الأعمال كان على مثن السيارة الخاصة ديالو من “أودي Q7” ودار كسيدة خايبة بمنطقة عين تاوجطات التابعة ترابيا لعمالة مكناس. السيد تكليسات بيه الطونوبيل ديالو بفعل داك الفيضان اللّي ضرب جهة فاس مكناس بواحد الشكل خايب.
دبا السيد راه فمصحة خاصة ناعس ومزال فغيبوبة وموحال يعيش. فحسب مصدر “كود”، فإن طاقم طبي يتابع حالته الصحية واعلن للعائلة ديالو أن الحالة ديالو تدعو للقلق.