مدير الفدرالية البيمهنية المغربية ديال الحوامض ل”كود”: موقفناش الإضراب وراه كاين خسائر جسيمة بزايد

أكد حسن زهوري، مدير الفدرالية البيمهنية المغربية ديال الحوامض، ان “الاضراب ديال الكاميونات مزال كاين لحدود الساعة”، مضيفا: “دبا كاع الناس كيسحابلهوم وقف الإضراب لكن تصلت بكاع الجهات ويؤكدون ان الإضراب مزال لكن شي وحدين خدامين بشكل قليل فجهة سوسو”.
وأضاف المتحدث: “قريت واحد البلاغ داروه الاتحاد العام للشغالين لي كيقول ان داك الاجتماع لي كان فوزارة النقل مع داك الناس مكيمثلوش القطاع وأنهم غير قادرين على توقيف الاضراب وانا قلت غير كيقولو هاد الهضرة ولكن فعلا تأكدت أن الإضراب موقفش”.
وأكد هاد المسؤول فداخل الفيدرالية المذكورة ان هاد الاضراب خلف خسائر كبيرة ميمكنش نحسبوها خاصة فقطاع الحوامض، وزاد: “الناس عندهوم الكليان ديالهوم و المواعد مع البواخر وًكاين الناس لي جابو الخدامة وجناو المحصول ملقاوش الكميونات فاش يهزوه”.