الوزير أمزازي ل”كود”: التلميذة مريم أمجون رفعات الراية المغربية فالعالم وهي مفخرة لكل المغاربة

في أول خروج له، بعد الفوز ديال التلميذة مريم أمجون بجائزة “تحدي القراءة العربي”، اعتبر سعيد أمزازي الوزير ديال التربية الوطنية والتعليم العالي والبحث العلمي، في تصريح خص به “كود”، أن هاد التلميذة هزات الراية المغربية فالعالم كولو وكيبقى الفوز ديالها مفخرة لكل المغاربة والمدرسة المغربية خصوصا”.
وأضاف الوزير أمزازي، في ذات التصريح، قائلاً: “التلميذة مريم نموذج كبير وهاد المبادرة اللّي بدات هادي 3 سنوات بواحد 300 ألف مشارك غادي يرجعو يستافدو منها مليون تلميذ (ة) وهادي مناسبة باش وزعنا 500 ألف كتاب وخلقنا مكتبات على مستوى جميع المؤسسات المغربية باش نشجعو هاد المبادرات ونطوروها”.
وزاد الوزير: “هذا يوم متميز ولحظة غادي تبقا فتاريخ المنظومة التربوية المغربية والتلميذة مريم استطعات باش تخلق الحدث وترفع الراية المغربية على المستوى العالمي ودبا بغينا يكون منها عدد كبير من الفتيات والاطفال اللي يتميزو بالدراسة ديالهوم ويحقو هادشي اللّي دارت مريم”.