“بازكار” اللّي كان مدوّخ البوليس ف فاس طاح وها شنو لقاو عندو

علمت “كود” أن البوليس ديال منطقة فاس الجديد دار دبيبغ قرقبو أخيرا على الملقب ب”بازيكار”. هاد المشرمل عندو سوابق قضائية عديدة وكان عندو 3 ديال الروشيرش من أجل ترويج المخدرات و المشروبات الكحولية بدون رخصة و الضرب و الجرح بواسطة السلاح الأبيض، وعلى الصعيد المحلي من أجل ترويج الأقراص المهلوسة.
هاد المشرمل اللي كان مدوخ البوليس كان يرتحل من مكان إلى آخر لتفادي إلقاء القبض عليه، إلا أن إصرار البوليس فالملاحقة ديالو تكللت بتحديد مكان تواجده وإلقاء القبض عليه وبحوزته 9 ديال الحبات من المؤثرات العقلية من نوع “إكستازي”.
يشار إلى أن البوليس كانو مؤخرا شدو عدد من مساعدي المشتبه فيه وحجز كمية من المخدرات والمشروبات الكحولية. لكن الباطرون ديالون “بازكار” بقا هربات حتى طاح أخيرا.