“لابيجي” قرقبات على بارون مخدرات في فاس.. لقات عندو كميات مهمة ديال لغبرا وفلوس صحيحة

“لابيجي” – الشرطة القضائية – التابعة لولاية أمن فاس قرقبات على بزناز عندو كميات مهمة ديال الكوكايين. هاد العملية جاءت بناء على معلومات دقيقة وفراتها المصالح ديال “الديستي”.
هاد البزناز شدّوه مني كان على متن الطونوبيل ديالو فمنطقة ديال نزالة لعظم على بعد 20 كيلومتر تقريبا من العاصمة العلمية. البوليس لقاو عندو 250 غراما ديال الغبرا ولقاو كمية إضافية أخرى من نفس المخدر قدرت ب750 غراما إضافيا من نفس المخدر.
الموقوف لقاو عندو البوليس حتى مبلغ ديال 1225 أورو ومبلغ مالي بالعملة الوطنية قدره 1.079.440 درهما.