الحموشي طيّر زويتر الوالي ديال أمن أكادير من بلاصتو.. ها شكون جا بلاصتو

علمت “كود”، من مصادر مطلعة، أن المدير العام للأمن الوطني، عبد اللطيف حموشي، وقع هاد الصباح ديال الإثنين، على قرار كيقضي بإعفاء محمد زويتر والي أمن عاصمة سوس أكادير من جميع المهام اللّي كانت عندو.
وحسب المصادر نفسها، ل”كود”، فإن المديرية العامة ديال البوليس عينات مبروك سعيد رئيس المنطقة الإقليمية ديال تارودانت مكان زويتر، في انتظار تعيين مسؤول أمني جديد غادي يتكلف بالتدبير الأمني ديال جهة سوس.
وأوضحت المصادر أن محمد زويتر كان تعيّن فهاد المنصب بالنيابة فقط وزادتو الإدارة ديالو سنتين ودبا قررت الإحالة ديالو على التقاعد.
يشار إلى أن المدير العام للأمن الوطني كان قد وقع على عقوبة الإنذار في حق والي أمن أكادير، وذلك في أعقاب نتائج البحث الإداري الذي باشرته لجنة تفتيش مركزية في موضوع إخلالات وظيفية منسوبة للمسؤول الأمني المذكور.
كما أوفد الحموشي لجنة تفتيش إلى ولاية أمن أكادير، بعد توصلها بتقارير تفيد بتسجيل بعض مكامن النقص في معالجة ملف حادثة سير تلقائية بخسائر مادية، ارتكبها نجل والي الأمن.
ووقفت اللجنة على بعض التجاوزات المرتبطة أساسا بالمعالجة الإدارية للملف، خصوصا فيما يتعلق بإشعار المصالح المركزية المختصة، وهو ما رتب المسؤولية التأديبية لوالي الأمن ولرئيس مصلحة حوادث السير ومساعده.