بغاو يضحكو ساعة أت هجرو ليهم.. الشيخة “طراكس” دخلات في السواعدة المزورين طول وعرض

الشيخة طراكس مرا وكادة، داك الضخك لي داروه معاها المغاربة ودارو ريوسهم سعوديين غادي تهجرو ليهم.
مصادر “كود” قالت أن الشيخة قررات أنها ترفع دعوى قضائية، حيت صحاب مجموعة “بروكلين” ديال فايسبوك، قالت أنهم نصبوا عليها، وشوهوها بدوك الفيديوهات.
لي معارفش القضية، هي أن تراكس عيطو ليها على أساس حفلة، دخلات لقات كلشي لابس البيض وداير زيروات فوق الراس، بحال داكشي ديال جلسات وناسة، وهوما غير مغاربة.

الفيديوهات دارو حالة في اليوتوب، ووصلوا الخليج كاع، شيخة معجبهاش الحال، وقررات تدخل فيهم طول وعرض.