بوزنيقة ولخنز. واد كلو خنز وسط اللي مشاو يتبحرو واللي ساكنين تماك =صورة

حتى زين ما خطاتو لولة. واحد من اجمل الشواطئ بين الرباط والدار البيضاء واللي كيجيوه ملايين لمغاربة يتبحرو فيه هاد الصيف فيه واد خانز موسخ. يتعلق الامر بشاطئ بوزنيقة. كاين فيه واحد الواد ريحتو كتعطعط والزبل كيلاح فيه وطبعا مع هاد الشي كولو كيجيب كاع انواع شنيولة والناموس. هاد الشي ما جاش فبلاصة بعيدة فهاد الشاطئ اللي بالاضافة للي كيجي يتبحر كاينين ناس ساكنين فيه العام كولو.
الجماعة طبعا هي المسؤولة ولكن ماشي غير هي بوحدها السلطات العمومية عندها مسؤولية. دابا واش هاد الشي خاصو زيارة محمد السادس باش يغبر. علاش ما كيحتارموش المواطن؟