بالفيديو والصور: حجي مساعد مدرب الاسود: غاديين نربحو اسبانيا ولمغاربة بداو يتزادو مع نص النهار وها التيران اللي لاعبين فيه غدا

مغاربة من كالينينگراد: ما ندمناش جينا نشوفو الاسود ضد الصبليون
Publiée par GOUD sur Dimanche 24 juin 2018
قال مصطفى حجي مساعد مدرب المنتخب المغربي لكرة القدم صباح اليوم الاحد 24 يونيو بكالينينكراد بروسيا ان الاسود غاديين يربحو الصبليون. حجي اكد لعدد من المعجبين المغاربة اللي بداو كيصلو لهاد المدينة الروسية اللي غادي يلعب فيها المغرب ضد اسبانيا غدا الاثنين باللي المنتخب مستعد وباللي داخلين باش يربحو
حجي تصور بزاف مع المشجعبين قرب مول “اوربا” وسط هاد المدينة الروسية وبقى كيردد باللي لمغاربة جاهزين باش يربحو
هاد الشي كيتقاسموه لمغاربة اللي تلاقاهم “كود”. شي جاي من المانيا شي من كندا بزاف من هولندا. دراري صغار مع والديهيم. احد الاطفال حتى هو اكد بلللي غاديين يربحو
المشجعون الاسبان قلال لحد الان مقارنة بالمغاربة. هنا واثقين من الرباح واخا كيكولو باللي الماتش غادي يكون صعيب.