طارو على جوج مشرملين حراگة مغاربا قتلو بنغالي فميلانو

تقتل شاب بنغالي فمدينة ميلانو نهار الجمعة ، على يد جوج مشرملين مغاربة من الحراكة .
وحسب التحريات الأمنية فإن المهاجرين المغاربة، لي سميت الأول “عبد الرحيم أنس” وكيبلغ 30 سنة، والثاني سميتو “سعد العثماني” وفعمرو 28 سنة، دخلو لإيطاليا عن طريق ليبيا ، وكونو بجوجهم عصابة إجرامية كتكريسي الناس فمدينة ميلانو والنواحي، بحال كيما كيوقع فالمغرب.
ونضاو الجناة في أقل من ثلاثة ديال الساعا ، شرملو وقطعو طريق 4 ديال الأشخاص تحت التهديد بالسلاح الأبيض، فمناطق مختلفة من “ميلانو” وكريساوهم وداو ليهم فلوسهم وتيليفوناتهم ، وقتلو واحد من ضحاياهم وهو شاب كينحادر من البنغلاديش سميتو “شمس الحق” (الصورة) فعمرو 22 عام ، فاش كان راجع من خدمتو
كسرباي من واحد القهوة وسط ميلانو، بالإضافة للتسبب لضحيتين فجروح خطيرة ، واحد فيهم إيطالي هجمو عليه فبلدة “تشينيزيلو” بالنواحي الشمالية لميلانو، وطالبة إنجليزية تعرضت بدورها للطعن باش يحيدو ليها تيليفونها.
وبعد علمها بالحوادث وقيامها بتحرياتها ، قدرات عناصر الأمن تشد هاد المجرمين ، وهوما كيفطرو فواحد القهوة بالقرب من المحطة المركزية.