بوليس كازا كيقلب على عصابة للسرقة وها اللي خدات من مقهى

لحد الساعة، مزال الشرطة القضائية ديال سيدي البرنوصي كتقلب على عصابة سرقات مقهى بحي الأزه، طيرات جوج كوفرات ومجموعة من الوثائق فيها دفاتر الشيكات تخص صاحب المقهى الأسبوع الماضي.
العصابة٬ وفق مصدر "كود"٬ دخلات للمقهى وهرسو الأقفال وطلعو الطابق الثاني ديال القهوى وخادو معاهم جوج خزنات ديال الفولاذ، كيقول مول المقهى أنهم كانو بجوجهم فيهم الفلوس ومحاسبهومش.
الكاميرات ديال المقهى، استطاعوا رصد السيارة التي استعملها الجناة وهي سيارة ميرسيديس سوداء اللون، ومازال كيقلب عليهم، ولكن السؤال لي كيفرض راسو هنا، واش ما كينش واحد الاختراع سميتو الأبناك باش يتحط فيهم الفلوس؟ عوض كوفر مهدد بالسرقة في أية لحظة؟