المخرجة المغربية مريم بن مبارك مشاركة فمهرجان “كان” 2018

الخميس 12 أبريل، مهرجان "كان" السينمائي علن على القائمة الرسمية الكاملة ديال الأفلام المشاركة في المسابقة، الي غتبدا في 8 ماي المقبل.
وغيشارك ضمن مسابقة “نظرة ما – Un Certain Regard” التابعة للمهرجان، الفيلم “صوفيا-Sofia” ديال المخرجة المغربية مريم بن مبارك، الي الفيلم القصير ديالها “جنة – Jennah” كان تختار فجائزة الأوسكار 2015.
الفيلم كيهدر على نضال المرأة فالمجتمعات العربية-المسلمة-الميزوجينية، وكيعاود القصة ديال مرا سميتها “صوفيا”، عايشة فكازا مع واليديها فحي فقير، وغادي تحبل خارج الزواج، وفاش غادي تبغي تولد غيبدا الصراع مع المجتمع والمشاكل، وغتشرع فبحث يائس على الأب باش يعتارف بالولد.
الممثلة سارة المحمدي الي مثلات ف “الزين الي فيك-Much Loved” ديال نبيل عيوش هي الي لاعبة دور “صوفيا”، مرا قوية كترفض تكون “ضحية”.