ومن الأيفون ما قتل. ماتو ثلاثة ديال الناس بسبب الأيفون.. وها كفاش

علنات وزارة الطوارئ في أوزبكستان أن ثلاثة ديال الأشخاص ماتو فمحاولتهم يجبدو تيليفون من نوع أيفون من الصرب ديال مرحاض فمنطقة “ناماجان”.
وتعرضو هاذ الأشخاص لتسمم خطير لدرجة الموت بسبب إنبعات غازات مسمومة فاش طاح لواحد منهم تيلفونو فالصرب قدام الدار ومشى كيجري كيطلب الجيران يعاونوه يجبدو، وفاش جا الأب ديالو وواحد من الجيران حيدو البالوعة ونزل مول الأيفون وهو يغيب فالبلاصة ، ومن بعد نزل الاب ديال الضحية ومعاه ولد الجيران لكنهم تعرضو لنفس المصير.
وفاش جات سيارات الإسعاف لقاو غير الأب بوحدو لي باقي كينازع مسكين والشخصين الأخرين شبعو موت ، ومتعطلش تاهوا للأسف، حيت بمجرد وصلو للمستشفى لفظ أنفاسو بدون ميفيق من الغيبوبة.