الفيفا كتحيز لامريكا ف2026. دارت فضيجة كبيرة دارتها باش تنقد ملف كندا المكسيك امريكا والكاف دخلات على الخط

علمت “كود” ان الاتحاد الافريقي لكرة القدم “الكاف” غادية تحتج رسميا على الفيفا بسباب تحيزها لملف امريكا والمكسيك وكندا. كيفاش هاد الشي؟ الفيفا كانت قبل انعقاد الجمع العام للكاف بالمغرب ايام تنظيم “الشان” منعات المغرب يقدم ملفو ديال 2026 للقارة ديالو. وحضر لهاد الجمع رئيس الفيفا. المغرب امتاتل لهاد القرار. كال ما كاين باس.
لكن باش تجمع الاتحادات بجنوب القارة الافريقية المعروف اختصارا ب”كوسافا” دار جمع ديالو قرر رئيس ملف امريكا كندا المكسيك واسمه “كولاتي” تقديم عرض. حنا منعونا وامريكا وافقو عليها.
الكاف باش شاف هاد الحگرة غادي يحتج رسميا على الفيفا٬ لكن باش تعرفو تحيز هاد الاخيرة٬ ناضت استابقات كلشي وراسلات المرشحين لمونديال 2026 =المغرب وتجمع كندا امريكا المكسيك= كتقول ليهم بامكانكم ديرو اجتماعات مع الاتحادات. هاد الشي داروه حقاش الفيفا عارفة ان الاجتماع الامريكي مع “كوسافا” كيعني اقصاء الملف وغادي يبقى غير المغرب بوحدو
الفضيحة ان هاد الشي فوت للمغرب فرصة واعرة هادي اسبوعين. كيفاش تغير موقفها ف15 يوم.