حشومة وعيب وعار مول الكورة احمد فرس ينزلوه من المنصة الشرفية ويريحو الشلاهبية اللي كينخرو الكورة حتى خلى ليهم كلشي ومشى

مول الكورة كيف كيسميوه لكوايرة احمد فرس. اللاعب الأسطورة الانسان المتواضع جا لنهائي الشان وغالب مرضو باش ماشي يتفرج حقاش شبعان فراجة ولكن باش يدعم اللعابة والمغرب وصورتو، ومللي مسكين بغى يگلس فالمنصة الشرفية ما خلاوهش
حسب مصدر "كود" غير حبابو وصحابو اللي رغبوه يبقى فالتيران هاد الليلة حتى فالأخير مشى فحالو.
لفضيحة ان المنصة الشرفية فيها شي وحدين ما عندهم علاقة بالكورة بحال شي واحد اسمو العلام مع الوداد. ياك الملك رفض يُستقبل الوداد حقاش الناصري غرس صحابو ودابا دخلهم للمنصة. أعباد الله كيفاش يجريو على أساطير فالكورة ويبركو هادوك لكمامر
فرس جا بورقة دعوة من مسؤول حزبي كان مريح فالمنصة الشرفية وقالو ليه بلاصة ما كايناش