والله حتى قالها واخا ما غادين تفهمو والو. الياس العماري: ما جيتش نواجه بنكيران حيت هو صاحبي وهو راه ضريف مقارنة مع العثماني

في مداخلة الياس العماري الامين العام لحزب الاصالة والمعاصرة اللي كان استاقل وما بقاش٬ في المجلس الوطني الاحد اللي فات فالصخيرات هدر فيها على امور كثيرة مختلفة واحيانا متناقضة.
الياس العماري قال باللي ما جاش يواجه عبد الاله بنكيران واضاف "حيث هو صاحبي" وزاد "بنكيران مجرد ظاهرة صوتية اعلامية" وزاد عليها "نواجه مشروع" وباش يزيد ياخد تصريحو غموض اكثر "مستشارو البي جي دي في الجهة يصوتون معي دائما". كيفاش تواجه مشروع مستشاروه معاك.
وباش ياخد التصريح عبثية اكثر اضاف "لم نخلق لمواجهة بنكيران والعدالة والتنمية بل لمواجهة مشروع العثماني اسوأهم" و"بنكيران ظريف مقارنة معه".
فهمتو شي حاجة؟ هاد الشي اللي عطى الله.