اجتماع لجنة المساطر ديال البيجيدي كان غاينفاجر. الرميد ويتيم هددو بالانسحاب وها علاش

اجتماع لجنة المساطر ديال حزب العدالة والتنمية كان غادي ينفاجر. هذا ما قاله مصدر ل"كود" حضر الاجتماع صباح الاحد بمقر الحزب بالرباط .
المصدر وصف ل"كود" النقاش لي دار فالاجتماع بالصاخب والساخن والحاد وتناقشات فيه وضعية الحزب وكيفاش يمكن يخرج منها باقل الاضرار.
المصدر اكد ل"كود" ان الوزراء لي حضرو ناقشو تاهوما ودافعو على رأيهم لي كان بالطبع هو رفض تعديل المادة 16 وبالتالي قطع الطريق امام بنكيران لترؤس الحزب لولاية اضافية.
فواحد اللحظة لما تشكى شي واحد من شي خبر خرج فشي موقع فلحظة كان فيها النقاش غادي فاتجاه تمكين بنكيران من حق الترشح لولاية اضافية، ناض الرميد ويتيم وانساحبو من الاجتماع وقالو هاد الشي ماشي معقول يكون التسريب وقت الاجتماع٬ قبل ما يردوهم شي وحدين من التيار ديالهم. مصدر اخر نفى ل"كود" ان يكون شي حد منهم قنع شي حد باش يبقى ولا يمشي. ولكن هادشي لي قال المصدر للي كان حاضر للاجتماع ل"كود".