لي بغا الرضا يجي لمؤتمر لحزب الإستقلال. موظفو بلدية العيون واللي مستافد غادي يديرو ليهم البوانتاج‎

/
لي بغا الرضا خاصو يجي لمؤتمر حزب الإستقلال الإقليمي المزمع إقامته في السابع والعشرين من غشت الجاري بحضور منسق الجهات الجنوبية الثلاث وعضو اللجنة التنفيذية حمدي ولد الرشيد وعضوة اللجنة التنفيذية مريم ماء العينين فدار علال الفاسي في العيون.
مصادر موثوقة قالت ل"كود" أن موظفي بلدية العيون اللي كيخدم واللي كيسلت والمستفيدين من برنامج التنمية البشرية وصاوهم يجيو حيت كاين لبوانتاج ولي ما حضرش غادي يدخل لاليست نوار ديال ولد الرشيد.
مصدر قريب من ولد الرشيد قال بأن هادشي ما كاينش وغي هدرة كدور ، ولربما أولوها شي وحدين لأن موضفي البلدية وناس التنمية البشرية كيبغيو الحاج ويمكن يكونو تبادلو دعوات الحضور شفهيا بيناتهم غيرة على الحزب لأنه كيمر من فترة صعبة على مستوى القيادة المركزية أما ولد الرشيد ماعندو علاقة.