أكرا/غانا: اختيار فوزي لقجع نائبا أول لرئيس الاتحاد الإفريقي لكرة القدم    بنعبد الله: حكومة أخنوش ضعيفة سياسياً وأطفأت النقاش العمومي... وطال صبرنا لرحيلها    سفيان البقالي يحل ثانيا في سباق 3000 متر موانع بملتقى شيامن    الكرفطي ينتقد مكتب اتحاد طنجة: بدل تصحيح الأخطاء.. لاحقوني بالشكايات!    بنكيران: "العدالة والتنمية" يجمع مساهمات بقيمة مليون درهم في يومين    بنكيران: وفد حماس لم يحصل على التأشيرة لدخول المغرب وجمعنا أزيد من مليون درهم حتى الآن    المباراة الوطنية الخامسة عشر لجودة زيت الزيتون البكر الممتازة للموسم الفلاحي 2024/2025    الكلية متعددة التخصصات بالناظورتحتضن يوما دراسيا حول الذكاء الاصطناعي    أدوار جزيئات "المسلات" تبقى مجهولة في جسم الإنسان    أخنوش يمثل أمير المؤمنين جلالة الملك في مراسم جنازة البابا فرانسوا    مناظرة جهوية بأكادير لتشجيع رياضي حضاري    تتويج 9 صحفيين بالجائزة الوطنية الكبرى للصحافة في المجال الفلاحي والقروي    العثور على جثة بشاطئ العرائش يُرجح أنها للتلميذ المختفي    الجامعي: إننا أمام مفترق الطرق بل نسير إلى الوراء ومن الخطير أن يتضمن تغيير النصوص القانونية تراجعات    جديد نصر مكري يكشف عن مرحلة إبداعية جديدة في مسيرته الفنية    بواشنطن.. فتاح تبرز جاذبية المغرب كقطب يربط بين إفريقيا وأوروبا والولايات المتحدة    إطلاق مشروعي المجزرة النموذجية وسوق الجملة الإقليمي بإقليم العرائش    جيدو المغرب ينال ميداليات بأبيدجان    المغرب يرفع الرهان في "كان U20"    برهوم: الشعب المغربي أكد أنه لا يباع ولا يشترى وأن ضميره حي ومواقفه ثابتة من القضية الفلسطينية    توقعات أحوال الطقس ليوم غد الأحد    بدء مراسم جنازة البابا في الفاتيكان    مؤتمر "البيجيدي" ببوزنيقة .. قياديان فلسطينيان يشكران المغرب على الدعم    الملك محمد السادس يهنئ رئيسة تنزانيا    المغرب يرسّخ مكانته كمركز صناعي إفريقي ويستعد لبناء أكبر حوض لبناء السفن في القارة    البشر يواظبون على مضغ العلكة منذ قرابة 10 آلاف سنة    من تندرارة إلى الناظور.. الجهة الشرقية في قلب خارطة طريق الغاز بالمغرب    هولندا.. تحقيقات حكومية تثير استياء المسلمين بسبب جمع بيانات سرية    شبكات إجرامية تستغل قاصرين مغاربة في بلجيكا عبر تطبيقات مشفرة    هولندا تقرر تمديد مراقبة حدودها مع بلجيكا وألمانيا للتصدي للهجرة    تصفية حسابات للسيطرة على "موانئ المخدرات" ببني شيكر.. والدرك يفتح تحقيقات معمقة    تتويج الفائزين في مباريات أحسن رؤوس الماشية ضمن فعاليات المعرض الدولي للفلاحة بالمغرب 2025    كرانس مونتانا: كونفدرالية دول الساحل تشيد بالدعم الثابت للمغرب تحت قيادة الملك محمد السادس    ماذا يحدث في بن أحمد؟ جريمة جديدة تثير الرعب وسط الساكنة    بدء مراسم تشييع البابا فرنسيس في الفاتيكان    ولاية أمن الدار البيضاء توضح حقيقة فيديو أربعة تلاميذ مصحوب بتعليقات غير صحيحة    لقاء يتأمل أشعار الراحل السكتاوي .. التشبث بالأمل يزين الالتزام الجمالي    الشافعي: الافتتان بالأسماء الكبرى إشكالٌ بحثيّ.. والعربية مفتاح التجديد    المرتبة 123 عالميا.. الرباط تتعثر في سباق المدن الذكية تحت وطأة أزمة السكن    المعرض الدولي للنشر والكتاب يستعرض تجربة محمد بنطلحة الشعرية    مصدر أمني ينفي اعتقال شرطيين بمراكش على خلفية تسريب فيديو تدخل أمني    فعاليات ترصد انتشار "البوفا" والمخدرات المذابة في مدن سوس (فيديو)    الصين تخصص 6,54 مليار دولار لدعم مشاريع الحفاظ على المياه    الهلال السعودي يبلغ نصف نهائي نخبة آسيا    وثائق سرية تكشف تورط البوليساريو في حرب سوريا بتنسيق إيراني جزائري    الجهات تبصِم "سيام 2025" .. منتجات مجالية تعكس تنوّع الفلاحة المغربية    من فرانكفورت إلى عكاشة .. نهاية مفاجئة لمحمد بودريقة    جريمة مكتملة الأركان قرب واد مرتيل أبطالها منتخبون    العالم والخبير في علم المناعة منصف السلاوي يقدم بالرباط سيرته الذاتية "الأفق المفتوح.. مسار حياة"    مصل يقتل ب40 طعنة على يد آخر قبيل صلاة الجمعة بفرنسا    متدخلون: الفن والإبداع آخر حصن أمام انهيار الإنسانية في زمن الذكاء الاصطناعي والحروب    الرباط …توقيع ديوان مدن الأحلام للشاعر بوشعيب خلدون بالمعرض الدولي النشر والكتاب    كردية أشجع من دول عربية 3من3    دراسة: النوم المبكر يعزز القدرات العقلية والإدراكية للمراهقين    إصابة الحوامل بفقر الدم قد ترفع خطر إصابة الأجنة بأمراض القلب    وداعًا الأستاذ محمد الأشرافي إلى الأبد    قصة الخطاب القرآني    المجلس العلمي للناظور يواصل دورات تأطير حجاج الإقليم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



خصهم يحذرو علينا حتى حنا، البلاد مافيهاش غي المرافق الحيوية، فيها حتى حنا، والا ماحذروش علينا مزيان، راه تقدر تدخلينا السوسة ونديرو شي مصيبة.
نشر في كود يوم 03 - 11 - 2014



الحذر واجب، الواليدة مسيكينة ديما كانت كتوصيني، رد البال أوليدي وحضي راسك والله ينقي طريقك من الشوك، والله يبعد عليك ولاد لحرام، ومضحكش أوليدي على بنات الناس راه كما تدين تدان، وكتزيد تقرى عليا داك الحديث ديال أترضاه لأختك.

الواليدة كتحمد الله يوميا حيث تزادت فالمغرب بلاد الأمن والآمان والدجاج والخضرة موجودة ومتنوعة، والسردين رخيص، والجامع قريب، وطبعا هادشي بالنسبة ليها هو هبة من عند الله ومن عند القيادة الرشيدة وبفضلها الواليدة مستمتعة بتواجدها فالمغرب ومفتاخرة بكونها مغربية.

لواليدة هبطات للمدينة وهي تلقى هادوك حذر دايرين السربيس، جاها داكشي غريب وهي تدور ليا تسولني مع قتليها راني كاتيب كنكتب العيلم، ولات كتستفتيني على أيتها حاجة، وحتى أنا مكنتقاداش كنبقى نشرح ونفسر حتى كتفهم، ديك الساعة كتقولي: ملي نتا أوليدي عارف هادشي كامل، نوض توضى ليك وصلي ليك شي ركيعات تقرب بيهم لمولاك، وللى سير ديرليك شي بيعة وشرية دير منها دويرة ودير موستقبالك، ونتا هاد لفهامة كلها والعام لي يجي يلقاك على الضس، واراهوما جاو من ورا الغنم ومافاهمين والو وغي ولاد 20 عام وتزوجو ودارو وليدات ودارو سقف جامعين ولادهم تحتو، ونتا باقي ماشبغتيش من هاد لفهامات الخاوية. أوليدي نتا راك عالم وظالم.

الواليدة: وا وليدي وشفت العسكر فالمدينة كثار، آش واقع أوليدي، قلب قلب أوليدي فلانطرنيط.
أنا: وا حذر هادوك الواليدة حذر.
الواليدة: ياك لاباس أوليدي حذر مناش، ياك ما الجزائر داخلة.
أنا: وعلى حساب ماقال وزير الداخلية، فراه هاد حذر مبادرة أمنية باش تطمئني نتي وباقي المغاربة والسياح بلي أنكم فآمان فالمغرب.
الواليدة: أنا أوليدي الحمد الله معمرة قلبي بالله ومطمئنة وتايقة فيه، وراني فآمان الحمد الله، والله يخلي لينا ماليكنا، والله ينجينا من الحساد، ولكن أوليدي علاش كاينين غي فالمدينة، علاش مايجيبوهمش للحومة عندنا، والله الى محتاجينهم كثر، عاد ول لبارح كريساو بنت خدوج، يالله مسكينة مخلصة وراجعة من المعمل، كون غي يجيبو هاد حذر عندنا، راه أوليدي وليتي تخاف تحل بزطامك فالسوق الشفرة عين بين، والسكايرية والحشايشية غي مستفين مع الحيوط، يجيو هاد حذر عندنا يهنيونا من هادشي.
أنا: وراه هادشي شغل البوليس ماشي العسكر الواليدة، وزايدون راه واقيلة دايرين هادشي على ود الإرهاب.
الواليدة: ومال الإرهاب أوليدي كاين فالمدينة حدا البيران، الإرهاب راه كاين هنا ومن هنا كيخرج، ياك عاد داك النهار شي لحايا شدو واحد لقاوه سكران سلخوه مزيان، هو الصراحة يستاهل وغزاو فيه، ولكن أوليدي ملي كنشوف داكشي ديال داعش فالتلفازة راه شعري كيوقف وكتشدني الخلعة منهم، يشدو السيمو سكران ويربيوه مزيانة، ولكن راه السيبة هاديك الى وللى لي جا يدير شرع يديه، راه كاين المخزن فالبلاد، هو لي خاص يدير خدمتو، السيبة مايبغيها حد أوليدي.
أنا: وا الواليدة، راه هاد حذر داروها غي باش يحميو المرافق الحيوية، ماشي باش يربيو السكايرية.
الواليدة: شناهوما هاد المرافق الحيوية أوليدي عاوتاني.
أنا : هوما الإدارات ديال الدولة، ولوطيلات وبلايص السياحة وكاع لبلايص لي فيهم موالين لفلوس والنصارة.
الواليدة: أوليدي موالين لفلوس فين غادي يوصلوهم أو يشوفوهم باش يتفركعو فيهم، راه كاتجي غي فالدراوش، وزايدون أوليدي هاد الإرهاب لي وللى دابا، راه كيتفركعو فالجوامع فالمدارس فالسويقات، راه كنشوفهم فالتلفازة أوليدي، صنادلهم كيبقاو غي مليوحين، غي الدراوش مساكن، أما موالين لفلوس راه عليهم العسة وعندهم لي يحذر عليهم، حنا مساكن لي معندنا حد، يجيو يحذرو علينا شوية.

أنا: ومالك الواليدة نتي، واش مرفق حيوي، الى تفركعو فيك غادي يتضرر الإقتصاد ديال الدولة، نتي راه مارابحين معاك والو، 100 درهم ديال الخضرة فالسيمانة، ودجاجة كتقصميها طراف، و300 درهم ديال الضو والما فالشهر، راه لي كتصرفي نتي كيعطيه غي سائح واحد تدويرة مع شي سرباي.
الواليدة: واييه أوليدي، حنا بلادنا بغينا ليها غي الخير، ودوك السياح راه معاهم مروجة الوقت شوية، ولكن أوليدي الى بغاو يحاربو الإرهاب راه خاص يجيو عندنا لهنا منين كيخرج وفين كيتزاد ويكبر ويسمان، ماشي يتسناوه حتى يهبط عندهم للمدينة واجد، مال ولد خالتك لي راه فسوريا دابا كانت عندو فيلا فالمدينة، راه غي ولد هنا، وأغلب لي مشاو راه غي ولاد الدراوش، الى بغاو يحاربو الإرهاب يجيو يقلعوه من الجدر ديالو هنا، ماشي حتى يكبر ويدير النوارة عاد يبغيو يقطعوه، راه واخا تقطعو غي تغيب عليه شوية ويعاود يكبر، الى بغيتي تتهنى خاص تقلعو من الجدر ديالو لي هو هنا.
أنا: الواليدة هاد الهدرة لي كتقولي غليضة بزاف، شكون لي وراك هادشي.
الواليدة: ومشات أوليدي ديك الوقت لي كنا فدار غفلون، كتخدم التلفازة مع الستة، دابا راه النيميريك فيه كاع لعجب، أما ديك دوزام والمغرب عندنا الى عولتي عليهم راك تبقى فدار غفلون.
أنا: واماتيقيش الواليدة بكاع داكشي لي كيجي فالتلفازة، راه كاين شي قنوات دايرينهم هادوك لي حاسدينا، غي باش يشوهو صورة المغرب.
الواليدة: أنا أوليدي كنتيق فسيدي ربي، وفماليكنا الله يخليه لينا، غي هو خاصو يحذر علينا حتى حنا، راه هاد البلاد مافيهاش غي المرافق الحيوية، فيها حتى حنا، والى ماحذرش علينا مزيان، راه تقدر تدخلينا السوسة أو يلعب بينا الشيطان ونديرو شي مصيبة.


انقر هنا لقراءة الخبر من مصدره.
مواضيع ذات صلة