فالغرب الكافر كيم كارديشان تشهرات ودارت لاباس من خلال فيديو صوراتو مع صاحبها كيمارسو الجنس ، وبزاف ديال المشاهير خرين عندهم فيديوات بحال هاكة في مسيرتهم ، ومن غير هادشي عادي جدا كوبل يصور فيديو لثوتيق لحظات متعة بيناتهم ، وحتى إلى نتاشر مكيأثر والو على حياتهم ، حتى كتجي لهاد البلاد السعيدة وكيولي الجنس جريمة وممارسته عار ٬ أما الى شي جوج دارو شي فيديو وتحط فالأنترنيت فراه كيبقى بحال شي وصمة عار ملاحقاهم طيلة حياتهم ، بحال الى هوما الحاج تابت شحال من كوبل وصلوا للحباسات أو تنفاو اجتماعيا غير بسبب فيديو ، وشحال من كول تفارقوا وطرف فيهم بقا كيستغل صور مشتركة ليهم أو فيديو في الإبتزاز ديال لاخر ، حيث واخا صوروه بجوج عارفين أنه جريمة وعار ويمكن ليه يبب ضرر للفرد إن هو خرج ، وهادشي يا حسرة راه غير الجنس لي وصلنا ل7 دالمليار ماشي شي حاجة خرى . طبعا معروف علاش الأمر طابو فالمغرب حيث المغرب بلاد متدين ، هذا مكيعنيش أن البلدان الأخرى كافرة ، غير هو المغرب زايد نغزة فهادشي ديال النفاق الإجتماعي والسكيزوفرينية والهيجان الديني المناسباتي ، لذا الى مشيتي حتى صورتي شي حاجة كمغربي وتحطات فالأنترنيت فراه قودتيها هادشي لي طرا مؤخرا لواحد يقال أنه برلماني عن حزب ما رفقة وحدة يقال أنها طبيبة ، تسرب الفيديو ديالهم وكالعادة مكانت حتى شي جديد من ناحية جودة التصوير وزواياه ، وشكل الأبطال وآهاتهم ، بحال كاع أغلب الفيديوات لي تلاحت ديال المغاربة لي معروفة بالزروقية ولي كتأكد للمرة الألف أن وصفات تبييض المناطق الحساسة غير كذوب ونصب وإحتيال ، غير هو حيث الأمر كيتعلق بسياسي " حسب ما يقال" الأمر خدا ضجة كبيرة خصوصا أن السياسي ربما من حزب ينهى عن الفحشاء والمنكر ويحتكرهما لأعضائه ، والى كان الأمر بصح فراه خونا وختنا الله يعاونهم من ناحية حياتهم الإجتماعية حيث هادو هوما المغاربة الفساد بالنسبة ليهم ماشي هو السياسي والمالي والإجتماعي ، بل مقتاصر على فساد ما بين الرجلين ، حيث كون حصل مختالس مثلا ميزانية شي جماعة مكانش الأمر يكون عندو كاع هاد الضجة.
