الرجاء غرقات ومؤسسة بنكية نزلات عليهم بحكم ديال 850 مليون سنتيم

علمت "كود" ان إدارة الرجاء توصلت بحكم بأداء دين لفائدة مؤسسة بنكية بقيمة ديال 850 مليون سنتيم، وهو عبارة عن ديون كانت كتخدها الرجىاء في عهد بودريقة من المؤسسة البنكية لفاتح فيها الفريق الحسبا البنكي، ولكن في ظل الأزمة الفريق مقدرش اخلص الديون.
ووفق مصدر "كود" في سلم موفض قضائي إدارة الرجاء الحكم بأداء 850 مليون سنتيم في ظرف ثمانية أيام، وهو أمر مستحيل في ظل الوضع القائم، وفي ظل الأزمة المالية الخانقة للفريق الأخضر.
وفي الوقت لحسبان كيقبل على لفلوس باش اخلص اللاعبين واخلص الموظفين وخلي شي حاجة على قبل التنقل ديال الفريق، كيتفاجئ بحكم جديد، وخصو اخلصوا في ظرف ثمانية أيام، أو غادي اتعرض لحجز جديد.
الحكم الجديد غادي ازيد ازم الرجاء وغادي اخلي الفريق اوصل للسكتة القلبية لأنه أصلا جميع الممتلكات ديالو محجوز عليها وغادي ازيدوها حجز أخر لميمكنش احيدوه إلا إلى خلصوا المبلغ ديال 850 مليون سنتيم، وهادشي كامل كيرجع للفترة لكان فيها بودريقة رئيس ديال الرجاء.