اخنوش قال باللي خاص العثماني يكون قدوة للشباب. اييه قدوة ديال واحد ما فيدوش وصل بلا دراعو زرگ فالسياسة وغادي بالبلاد للحيط

خلال الجامعة الصيفية لحزب التجمع الوطني للاحرار قال رئيسها عزيز اخنوش مخاطبا شبيبته في اول نشاط كبير لها "قراو علي العثماني…وبوعيد ويعتة وتشيرشل وسنگور….غاديين يخليكم تخرجو بتجارب ومدارس ونماذج تنفع بلادنا".
اللي مثير بزاف فهاد الامثلة هو سعد الدين العثماني. واش بصاح هاذا قدوة شي حد فالمغرب. رئيس حكومة كان فاشل بزاف بزاف فالخارجية. شوفو اش دار من الجزائر حتى الكويت… وغادين تعرفو. من بعد كيمثل كاع اللي خاص الشباب ما يديروهش. اش ناهو؟ انه خدا منصب واصبح بصاح "ابن عرفة". جا ضد الشرعية. شرعية سياسي دار حملة وخدم وحفى الصباط ودار التجمعات وفالاخير باش يتخلص منو المخزن حيدو وجاب العثماني.
العثماني ما كيبغيه حد ما عندو شخصية كيمثل دابا عند الكثيرين الانتهازية. كيفاش يمكن يكون قدوة ومثال للشباب بصفة عامة او لشبيبة حزبية. اختيار غريب وصافي