خريبكة عاطين لجمهور الرجاء 1000 تذكرة

اللجنة المنظمة ديال فريق اولمبيك خريبكة غادي تعطي 1000 تذكرة لجمهور ديال الرجاء باش احضر للمتاش لغادي اجمع بيناتهم برسم الجولة الأولى ديال الدوري الاحترافي، بملعب الفوسفاط بخريبكة.
وخا أن الملعب كيهز حوالي كثر من 7000 متفرج، ولكن اللجنة ديال خريبكة يالاه عطات الجمهور ديال الرجاء 1000 متفرج فقط، باش ميحضروش كثر من هاد العدد وكون مشكل بين الجمهور ديال خريبكة والرجاء، خصوصا أنه سبق وكان وقع حدث خطيرة بسبب أحداث الشغب قتلو راجل كان غادي مع الزوجة ديالو لدارو.
وخا اللجنة دارت 1000 تذكرة ولكن الجمهور ديال الرجاء غادي امشي كثر من هاد العدد لأنهم باغين اشجعو فرقتهم وشوفو الرجاء في الحلة الجديدة ديال هاد العام، بقيادة المدرب الاسباني غاريدو، للعب مع الرجاء جوج ديال الماتشات في كأس العرش ضد أولمبيك دشيرة، وتعادلو معاهم في كازا وربحوهم في أكادير بأربعة لواحد.
الرجاء هاد العام باغين انافسو على لقب ديال البطولة لأنهم الموسم لفات كانوا قراب من البطولة، ولكن المشاكل لكانت عندهم خلاتهم احتلو المركز الثالث، وغادي اشاركوا في كأس الاتحاد الإفريقي.