الرجاء جرى على مهاجم آخر مبغاهش غاريدو

فسخ فريق الرجاء عقد اللاعب ديالو عمر المنصوري، بعدما دارو المدرب الاسباني غاريدو في لاليست ديال الانتقالات، لأنه معجبوش في الماتشات الودية للعبهم هاد العام.
المنصوري جابوه الرجاء داك العام بطلب من محمد فاخر، وجراو عليه هاد العام بعدما جابوا غادريو، باش ادرب الفرق، بلاصت فاخر.
وملعبش المنصوري ماتشات بزاف مع الرجاء في العام لفات، كان كيدخل ديما احتياطي، لأن المستوى ديالو مكانش كيخليه العب رسمي.
وكان الرجاء جراو على المهاجم الإفريقي مومي، وزادو عليه المنصوري، ومازال باغين اجريو على المدافع الطاوس لتاهو مبغاهش غاريدو، وملقاو جهد ليوسف القديوي، لمقدروش على العقد ديالو.
وغاريدو من تعاقد مع محسن ياجور، ورجع محمد البولديني للتداريب، قال للمسؤولين مبقا عندي مندير بالمنصوري ومومي، خصوصا أنه كيزكلو بزاف ديال الفرص ديال التسجيل.