بنكيران غادي يغبر مع بدء العثماني مشاوراته. السيد ما باغيش يحضر حتى فقرارات الحزب اللي عندها علاقة بالحكومة

علمت "كود" ان عبد الاله بنكيران الامين العام لحزب العدالة والتنمية رئيس الحكومة السابق ما غاديش يبان طيلة مشاورات سعد الدين العثماني اللي جابوه فبلاصتو. حسب مصدر "كود" فان بنكيران ما بغاش لا يشوش لا يؤثر على هاد المفاوضات. مصدر "كود" قال "حتى باش الحزب غادي يداول هاد الشي ديال الحكومة بنكيران ما غاديش يدخل او يقدر ما يحضرش كاع. غادي يخلي اعضاء الامانة العامة للحزب دير خدمتها عن بعد".
السيد وفق مصدر "كود" خلى الحكومة وراه وما باغيش يتحسب عليه شي تشويش او غيرو.