ها كيفاش كيكذبو علينا فالتلفزيون "الاولى نموذجا". مرشدون فتسلق الجبال نقدو سويسرية والتلفازة كتمجد فالجدارمية وصحافة بلادها صلحات الامور= شوفو 3 الفيديوهات وحكمو

نشر المهندس مروان العلوي لمحرزي اللي محرك مزيان فالفايسبوك تدوينة فرشات كذوب "الاولى" اللي فنشرتها الرئيسية قلبات الحقائق. القصة بدات عندما نشر شباب بامليل يعملون مرشدين للسياح فتسلق الجبال بجبل توبقال٬ فيديو بينو فيه كيفاش نقدو سائحة سويسرية. الفيديو نشر على حساب "عمر ايت احمد". الامكانيات بسيطة والشباب غامرو حياتهم باش يخرجو وحدة تهرسات فرجلها. الفيديو يظهر معاناتهم ومعاناة السائحة. لكن نجحو فاخراجها من منطقة الخطر.
حتى لهنا الامور عادية. بطولة شباب لانقاذ سائحة. بحال هاد الشي كيستحق تغطية فالتلفزيون فكلشي. هاد الشي اللي وقع. جات "الاولى" التابعة للشركة الوطنية للاذاعة والتلفزيون فنشرتها الرئيسية وخصصات ربورطاج لهاد الحدث. ولكن غير بدات "تمكنت عناصر الدرك الملكي من انقاذها". كلشي الفيديو فيه غير على هاد المجهود لكبير اللي دارو الدرك. هو الجدارمية ما دارو والو غير اتصلو بيهم وجاو بعد ما نقدوها وخرجوها من المنطقة الخطر ونقلوها بالهيليكوبتر لمراكش.
جاب الله اللي يفرش هاد البروباكاندا. الصحافة السويسرية نشرات الخبر ونشرات صور الشباب المغاربة اللي نقدوها