صبح حالتو حالة .. الكاف تاترقع التيران اللي غايلعب فيه المغرب ومصر

الملعب اللي غادي يلعب فيه المنتخب المغربي مع المنتخب المصري صبح حالتو حالة بعدما صبات أمطار عاصفية على مدينة بورجونتي الليلة ديال البارح كاملة.
اليوم في الصباح كيف شافت "كود" خدمات الكاف الكراطات باش تحيد الضايات ديال الما من الملعب وتنشفو قبل ما يبداو العمال ديال واحد الشركة صينية في ترقيع البلايص اللي ولا قرعين وتحيد منهم الكازو.
السي حياتو طلع كذاب والشتا فضحات الكاف اللي شكلات لجنة تقنية ديال بلعاني مشات للتيران ليلة الخميس ومن بعد خرجات بتقرير تاتقول فيه أن الملعب واجد وما فيه تامشكل.