واش الاتحاديين غاديين يطلعو رجالة ولا يصوتو على القرار اللي موجدينو ليهم: البقاء في المعارضة يفتحو الباب للاحرار يدخلو ويونسو البام

يتوقع ان ينطلق على الساعة التاسعة من صباح يومه السبت اجتماع اللجنة الادارية لحزب الاتحاد الاشتراكي للقوات الشعبية. اجتماع يدشنه الكاتب الاول للحزب ادريس لشكر بتقرير عن وضعية الحزب في علاقة بنتائجه في الانتخابات التشريعية الاخيرة. طبعا المشاورات مع رئيس الحكومة المعين عبد الاله بنكيران غادية تكون حاضرة. بل هي اللي كلشي كيتسناها واش الاتحاد داخل للحكومة ولا اللا. بالنسبة لقيادي اتحادي ل"كود" "نسبة كبيرة باغية المشاركة". غير هاد النسبة وهاد الاجواء القبلية كانت وراها تخطيطات. الاتحادي قال ل"كود" ان هناك "جهات لا ترغب في مشاركة الحزب في التحالف الحكومي وباغينو يبقى مع البام فالمعارضة وباغيين بنكيران يكون مضطر يدخل الاحرار".
هاد القضية ادريس لشكر عندو دور كبير فيها. فخطابه بداية انعقاد اللجنة الادارية سيكون له اثر على النقاش الدائر يومه السبت والاجتماع للي غادي يقدر يبقى حتى السبعة ديال الليل.
الاتحاديون باغيين يشاركو غير واش غادين ياخدو قرارهم بانفسهم ولا غادين يفرضوه عليهم ب"طريقة ظاهرها ديموقراطي وباطنها توجيهي دابا نشوفو" يقول القيادي الاتحادي ل"كود"