آش واقع فالمغرب؟ ايلى ما بغيتوش البي جي دي منعوه اما تجييش فئات قبل الانتخابات راه لعب بالنار والعافية غادية تشعل فالوطن وعلاش وظفتو صورة الملك فهاد اللعب الدنيء

اش واقع فالمغرب كيفاش وصلنا لمستوى فبركة مسيرة كلها وادعاء ان المجتمع المدني ضد استعمال الدين فالسياسة فغادي يتقلب ضدكم. كيفاش وصلات الوضعية بجهات كيف كال بنكيران انها تجيش فئة من المغاربة. هل يقبل عاقل في العالم ان صحاب بركان ولا اسفي ولا مدن اخرى تخرج في الشارع على بعد أسبوعين للاحتجاج على بنكيران. اش هاد المستوى المتدني فالسياسة اللي وصلناه. علاش باغيين نشعلو العافية راها ما غادياش تشعل فالعدالة والتنمية راها غادية تشعل فالوطن.
كتقنعو شكون باللي هادوك خارجين من مدايتهم لريوسهم، شكون غادي يصدق باللي واحد جاي من اسفي ولا بركان اي قضى ساعات مكرفس باش يكّون ضد حكومة بنكيران. ياك الانتخابات جاية، ويشاركو ويصوتو على اللي بغاو ويقطعو ديموقراطيا على البي جي دي باش ما ياخدش ولاية جديدة
ثم علاش تسمحو ليهم ياك انتوما اللي جبتوهم، يهزو صورة الملك، علاش دخلتو الملك فهاد اللعب الدنيء.
راكم لاعبين بالبلاد عينكم تشعلو العافية ماشي تحيدو بنكيران. كتعطيو رسائل لكافة أشكال التطرّف باش يولي خطابها العدمي عندو مبرر