شوفو على فضيحة. مرشح ديال الاتحاد الاشتراكي فالإنتخابات الجزئية ديال المستشارين ماجاب حتى صوت فإقليم الناظور لي عامر إشتراكيين

الانتخابات ماعندها راس من رجلين وبطبيعة الحال كنهضرو على الانتخابات المغربية، حقاش المستشارين لي تحكموا فالفساد الانتخابي قبل أشهر من بينهم التجمعي عبد القادر سلامة والاستقلالي الجيلالي الصبحي هوما لي رجعو ربحو مرة أخرى.
سلامة جاب هو الاول بأزيد من 800 صوت وتبعو الاستقلالي الجيلالي الصبحي، المحكومان بجوجاتهوم ب8 أشهر نافذة بالاضافة إلى أن المجلس الدستوري طيحهوم من الغرفة الثانية ورجعو ليها مرة أخرى.
الغريب فهاد الانتخابات لي كانت البارح هو أن مرشح الاتحاد الاشتراكي لي عندو أزيد من 160 مستشار في إقليم الناظور ماجاب حتى صوت منها، فين مشات هاد الاصوات وعلى من صوتات؟ هادشي خاص الاتحاد الاشتراكي يجاوب عليه حقاش يلا كانو عارفين راسهوم ماغايصوتوش على مرشحهم وغايصوتو على جهة أخرى من الاول يخليو غير جوج مرشحين يترشحو باش يربحو أو مايديروش الانتخابات من الاساس.