الرجاء غايطيرو بنجم مازيمبي فصفقة واعرة

باغيين الرجاء الرياضي يخطفو نجم تي بي مازيمبي الكونگولي فيليب كينزومبي اللي وصل مع الفريق لدومي فينال دوري أبطال إفريقيا، وهذا الشي حسب ما كشف عليه موقع "footafica".
وقال الموقع المتخصص فالفرق الإفريقية وانتقالات اللاعبين فالقارة السمراء، أن الجناح الكونكولي فيليب كينزومبي غايمشي بحالو من تي بي مازيمبي فالميركاتو الصيفي الجاي والوجهة ديالو غاتكون هي الرجاء الرياضي.
ووضح نفس المصدر، أن المهاجم الكونگولي مول ال25 عام، باغي يسني مع الرجاء الرياضي عقد المدة ديالو 3 سنين، فصفقة انتقال حر حيث ما باغيش يجدد مع تي بي مازيمبي، وأكدت أن هذا الشي غايكون خسارة كبيرة للفريق الكونگولي.