مهاجم جديد قريب من الرجاء وخاصو يقنع زينباور باش يسني معه بودريقة

بداو الرجاء الرياضي برئاسة محمد بودريقة كيوجدو للميركاتو الشتوي الجاي، باش يقويو صفوف الفريق بلاعبين قادرين يعطيو الاضافة.
وما غيفوتوش الرجاء الرياضي فالميركاتو الصيفي الجاي 2 حتى ل 3 اللاعبين جداد عيسنيو معهم، والأولوية غتكون لمهاجم راس حربة، ومدافع، ودابا كيتسناو واحد المهاجم من أمريكا اللاتينية يجي للمغرب باش يتأكدو مزيان من النيفو ديالو ويدخلو فالمفاوضات معه.
وكيعانيو الرجاء الرياضي بزاف فتحويل الفرص الكثيرة اللي كيخلقو لاهداف، وهذا الشي ماشي غير هذا الموسم ولكن ملي مشى المهاجم السابق الكونكولي بين مالانكو هادي عامين من الفريق، حيث ما قدر حتى شي لاعب من اللي جاو وراه يعوضوه، داكشي علاش بودريقة والمكتب ديالو والمدرب جوزيف زينباور باغيين يختارو المهاجم الجديد بعناية.