الأسود بداو كيوجدو لأنگولا وموريتانيا بأول حصة تدريبية

بداو اللاعبين ديال المنتخب الوطني المغربي كيوجدو للمبارتين الوديتين ضد كل من أنگولا وموريتانيا، اللي غيتلعبو يوم 22 و 26 مارس فتيران أكادير.
وبرمج الناخب الوطني وليد الركراكي حصة تدريبة هي الاولى فالمعسكر الحالي ديال المنتخب المغرب فمركز محمد السادس فالمعمورة، غتبدا دابا شويا بعدما فطرو اللاعبين اللي صايمين.
وغيكون فيها اللاعبيين اللي جاو اليوم ومن بينهم إبراهيم دياز، يوسف لخديم، امين عدلي، إلياس أخوماش، سفيان رحيمي، محمد الشيبي، يحيى عطية الله، في انتظار يوصلو عليهم باقي اللاعبين اللي غيجيو غدا.