واش بيناتهم حساب قديم؟. مدرب فياريال ما بغاش يسلم على أمين حارث فالماتش ضد مارسليا وشبكات

ناضت بين الدولي المغربي أمين حارث لاعب أولمبيك مارسيليا الفرنسي والمدرب ديالو السابق الإسباني مارسيلينو مدرب فياريال، ملي سالا ماتش الفراقي بجوج، ضمن اياب ربع نهائي اليوروبا ليگ.
وحسب شبكة RMC الفرنسية، فملي سالا الماتش بين أولمبيك مارسيليا وفياريال مشى أمين حارث يسلم على مارسيلينو اللي كان كيدربو فمارسيليا، ولكن المدرب الاسباني ما بغاش سلم عليه، والأكثر من هذا الشي هو ان المدرب المذكور دفع النجم المغربي اللي ما تقبلهاش وكان غينوضها معه لولا تدخل اللاعبين.
للإشارة فمارسيلينو كان كيدرب اولمبيك مارسيليا ما بين شهر 7 و 9 ديال عام 2023، وكانت ادارة اولمبيك مارسليا جرات عليه بسبب الاختيارات ديالو، ومن بينها انه ما كانش يدخل المغربيين أمين حارث وعز الدين أوناحي.