عز الدين أوناحي وأمين حارث حيحو ففرنسا ومارسيليا ولات مغربية

تألق الثنائي المغربي عز الدين أوناحي وأمين حارث مع أولمبيك مارسيليا اليوم الاحد ضد رين ضمن منافسات البطولة الفرنسية، وساهمو فالرباح ديالو لهاد الماتش.
وسالات المباراة بين أولمبيك مارسليا ورين ضمن الدورة 14 من بطولة فرنسا، بنتيجة 2 لزيرو لمصلحة أولمبيك مارسليا، وماركا أهداف الفريق كل من الكابوني أوباميانك من بيلانتي فالدقيقة 8، وزاد النجم المغربي عز الدين أوناحي الهدف الثاني فالدقيقة 65، والمغربي المتألق أمين حارث حتى هو ماركا ولكن الحكم حيد له الهدف ديالو حيث تسلل، والتألق ديال النجمين المغربيين خلا الباج الرسمية ديال أولمبيك مرسيليا تحط تدوينة فالفيسبوك مع العلم المغربي وقالت فيها: ديما مغرب .
هذا الرباح غيعطي ثقة كبيرة لأولمبيك مارسليا والثنائي المغربي عز الدين أوناحي وأمين حارث، وخصوصا عز أوناحي اللي كان معرض لانتقادات كثيرة، داز من وضع صعيب ويالاه راجع من الإصابة.