كاتوزو تفركع على أوناحي

غضب الطالياني جينارو كاتوزو مدرب أولمبيك مارسيليا الفرنسي، من الدولي المغربي عز الدين أوناحي وما عجبوش النيفو ديالو فالتداريب، بعدما رجع من الإصابة.
وحسب جريدة ليكيب الفرنسية، فكاتوزو تفركع على عز الدين أوناحي خلال حصة تدريبية للفريق فهاد اليومين اللي دازو، عرفت حضور وسائل الإعلام، نفس المصدر قال بلي أوناحي ضرب الكورة بطريقة ضعيفة وهو يغوت عليه كاتوزو وقاله: "ماركي! واش هادي باس بعدا".
ويالاه رجع عز الدين أوناحي من للتداريب غير الثلاثاء الماضي، بعدما غاب مدة 15 يوم بسبب الإصابة اللي غيباتو حتى المنتخب المغربي، حيث كان طاح على ظهور فدارو.