بنعطية كيواجه اول تحدي فمارسيليا وماشي ساهل

طايح الدولي المغربي السابق المهدي بنعطية وكيل أعمال الدولي المغربي عز الدين اوناحي فبلان صعيب، خاصو يلقى له حل.
المهدي بنعطية اللي عيّنوه اولمبيك مارسليا كمدير رياضي جديد فالنادي اللي كيلعبو فيه المغربيين عز دين اوناحي وامين حرث، فحسب تقارير فرنسية من بينها تقرير ديال le quotidien du sport ، فمفروض عليه يلقى حل مع عدد من اللاعبين اللي ما بقاش مرغوب فيهم فأولمبيك مارسيليا، ومن بين العناصر اللي وضعيتهم مقلقة حسب نفس التقرير، الدولي المغربي عز الدين اوناحي اللي بنعطية هو وكيل الأعمال ديالو.
للإشارة فكان المهدي بنعطية ورا انتقال النجم المغربي عزي الدين اوناحي إلى أولمبيك مارسيليا، وبزاف ديال المتتبعين كيشوفو ان اوناحي مظلوم فالفريق الفرنسي حيث المدرب السابق ما كانش كيعتمد عليه، قبل ما يجي الطالياني كاتوزو اللي ولا كيلعبو ولكن اللاعب طاح على ظهرو فدارو وتوعت، وغاب شي 15 يوم ويالاه رجع كيتدرب.