حارث وأوناحي دارو بلاصتهم مع كاتوسو فمارسيليا وساهمو فرباح كبير على لوهافر

دار الدولي المغربي أمين حارث ماتش كبير اليوم الاحد مع أولمبيك مارسليا ضد لوهافر فماتش برسم الدورة 8 من منافسات بطولة فرنسا.
أمين حارث اللي لعب الماتش تيتيلور فتشكيلة مرسيليا هو المغربي الاخر عز الدين أوناحي، تألق بشكل كبير وكان هو رجل المباراة، وساهم فالفوز ديال أولمبيك مارسليا على لوهافر بنتيجة ثلاثة أهداف لزيرو، من خلال أسيست الهدف الثاني اللي ماركاه الكابوني أوبايامانك.
وملي شد الطلياني جينارو كاتوزو، ولاو المغربيين أمين حارث وعز الدين أوناحي كيلعبو أساسيين بجوج فالتشكلية ديال أولمبيك مارسليا، وفماتش اليوم لعب أوناحي حتى الدقيقة 74 وخرج، وحارث لعب حتى للدقيقة 79 وخرج، ومن جهة لوهافر كانو لاعبين المغربيين ياسين كشطة ونبيل عليوي.