الوداد وصلو لبوتسوانا وها البروگرام ديالهم ونهضة بركان حاصلين حيث جنوب افريقيا ما بغاش تعطي للطيارة ترخيص

وصلت بعثة الوداد الرياضي إلى بوتسوانا استعدادا لمواجهة فريق گلاكسي البوتسواني فدوري ابطال أفريقيا غدا السبت، أما فريق نهضة بركان مازال حاصل فبوتسوانا فنفس الطيارة وما مشاش لجنوب إفريقيا.
وحسب مصادر مطلعة، فالطيارة الخاصة اللي تشاركو فيها الوداد الرياضي ونهضة بركان وصلت لبوتسوانا والوداد نزلو وعندهم حصة تدريبية هذه العشية، وهي الحصة التدريبية الأخيرة قبل ماتش غدا السبت ضد گلاكسي ضمن الجولة 5 من دور مجموعات دوري أبطال افريقيا.
أما نهضة بركان فالفريق عندو مشكل دابا هو ان السلطات الجنوب أفريقية، مازال ما بغاتش تعطي الترخيص للطيارة المغربية باش تنزل فالأراضي ديالها والفريق ما زال حاصل فبوتسوانا كيتسنا الترخيص، وعندو الماتش الاحد الجاي ضد سيخوخون ضمن الجولة 5 من دور مجموعات كاس الكاف.