الوداد شدو الطريق لبوتسوانا ومعولين على الرباح فماتش گلاكسي

شدو الوداد الرياضي الطريق من المغرب بوتسوانا باش يلعبو ضد فريق گلاكسي البوتسواني السبت الجاي، ضمن الجولة 5 من دور مجموعات دوري أبطال إفريقيا.
وخداو الوداد الرياضي طيارة خاصة من من مطار محمد الخامس بالدار البيضاء، وغتمشي لمطار وجدة باش تهز نهضة بركان اللي حتى هو غادي معهم فنفس الطيارة لجنوب افريقيا باش يلعبو كاس الكاف.
وحسب ما عاينت "كود" فمطار محمد الخامس، فالمورال فبعثة الوداد واللاعبين طالع، وغاديين مركزين على الماتش وتحقيق الرباح على گلاكسي باش يحافظو على الحظوظ ديالهم فالتأهل إلى ربع النهائي من المسابقة.
وغيوصلو الوداد الرياضي غدا الجمعة وسط النهار إلى بوتسوانا، ومن بعدها غيمشيو يديرو الحصة التدريبية الأخيرة قبل الماتش ضد كلاكسي مع 2 لعشية بتوقيت المغرب اللي هي 3 بتوقيت بوتسوانا.