الوداد خرجو من النتائج السلبية برباح كبير على المحمدية واللاعبين الجداد حيحو

خرجو الوداد الرياضي من النتائج السلبية، وقدرو يربحو الماتش ديالهم ضد فريق شباب المحمدية، اليوم الاحد فتيران البشير فمدينة المحمدية، ضمن الدورة 17 من البطولة الاحترافية لكرة القدم.
وسالا الماتش بين الوداد الرياضي وشباب المحمدية بنتيجة 5 لجوج لمصلحة الفريق الأحمر، وماركا أهداف الوداد فالماتش كل من الموريتاني عمار سيدي بونا (2) والنيجري وادي أوگنس (2)، وبجوجهم جابوهم الوداد غير فهاد الميركاتو اللي فات، وهدف ماركاه ايوب العملود بيلانتي، والهدفين ديال المحمدية ماركاهم دالوزي والصفصافي.
وقدرو الوداد بهاد الرباح يخرجو من النتائج السلبية، ورفعو رصيدهم إلى 27 نقطة وكيحتلو المركز 5 على بعد 10 النقاط من الصدارة، اما شباب المحمدية فالفريق كيحتل المركز 13 وعندو 18 نقطة.