مونديال 2022: ميسي رجع الأرجنتين فالمنافسة وحققو رباح مهم على المكسيك

ربحت الأرجنتين أول ماتش لها فكأس العالم قطر 2022، من بعدما فازت على منتخب المكسيك هاد العشية فتيران لوسيل فالجولة الثانية من البطولة بنتيجة 2 لزيرو.
وسالا الشوط الأول بالتعادل السلبي زيرو لزيرو، قبل ما ينجح ليونيل ميسي ويهدي هدف الأول لصحابو، وماركاه فالدقيقة 68، وقدرت الارجنتين تحافظ على هاد البيت قدام المكسيكيين وزادت هدف اخر فالدقيقة 87 ماركاه إينزو فيرننديز، وسالا الماتش.
الأرجنتين بهاد الرباح خدات أول 3 النقاط فهاد المونديال من بعدما كانت خسرات ضد السعودية فالجولة الأولى وبجوجهم عندهم دابا نفس الرصيد وكيحتلو المركز الثاني فالمجموعة 3 ورا بولونيا اللي متصدرة الكروب برصيد 4 النقاط أما المكسيك عندها نقطة وحدة، وفالجولة الثالثة غادي تلعب الارجنتين ضد بولونيا والسعودية ضد المكسيك وغادي تكون حاسمة باش يتعرف شكون المتأهل من هاد المجموعة.