البطولة: الفتح قلبو الماتش على الوداد وربحوهم والسلامي ولا عقدة عند الواك

خسرُ الوداد الرياضي مع الفتح الرياضي فتيران مولاي الحسن فالرباط اليوم الاربعاء، ضمن الدورة 16 من منافسات البطولة الاحترافية لكرة القدم.
وسالا الماتش بين الوداد الرياضي اللي كيدربهم فوزي البنزرتي واللي غاب بسبب العقوبة، والفتح الرياضي اللي كيدربهم جمال السلامي، بنتيحة 2 لواحد لمصلحة الرباطيين، وقدرو الوداد يماركيو الاولين فالماتش بواسطة بدر كادارين فالشوط الاول من بلانتي، ولكن الفتح نجحوا فالشوط الثاني وقلبو النتيجة وجابو التعادل من بيلانتي ماركاه ايوب نناح وفاللحظات الأخيرة من الماتش ضربو الهدف الثاني ديال الرباح بواسطة لعلاوي.
وبهذا الخسران كيكونو الوداد الرياضي استنفو البطولة بطريقة خايبة في انتظار الماتشات الجايين باش يصحو الأخطاء، والفريق دابا بقات عندو 25 نقطة وكيحتل المركز الرابع، أما الفتح رفعوا رصيدهم إلى 24 نقطة وكيحتلو المركز الخامس.